عِشنا وياما حنشوف

‎بتعرَف لمّا تقابل إنسان بحياتَك تحس من جوا قلبك انه ممكن تنولد علاقة احلى من الخيال؟
‎بتعرف هاد الشعور الي لمّا تتطلع على شخص من عيونه وتحكي معه تحس من جواتك خلص انا لاقيته؟
‎هون بتبلش القصة
‎لو عنا القابلية نتعامل مع الحياة والاشخاص بدون زيادة تفكير كان ممكن نخطي خطوات تجاه قرارت ما فيها خوف بشكل اكبر بس لأ لازم يجي السبب المنطقي بعد كل ابتسامه ليمسحها بدمعة
‎لو عنا القابلية نحب ونعبر عن مشاعرنا بدون ما ننفهم بطريقة غلط كان ممكن نخطي خطوة لنساهم بنجاح معظم علاقتنا
‎لو عنا القابلية نتعامل بجرأة اكتر كان ممكن اخدنا قرار انه نبعد عن ابشع علاقة
‎لو عنا احساس بالمسؤولية كان ما عيّشنا ناس بوَهِم انه بيوم ممكن نكون جمبهم
‎لو عنا قدرة على الحب كان ما دورنا عليه بأماكن وأشخاص بعيدة عن نفسنا
‎

بس هاي حال الدنيا .. جاهزين للسقوط؟

جاهزين تصدقوا ناس فكرتوا نيتهم صافية؟ جاهزين تطلعوا بناس اخدوا قرارات غلط وكان الحل الانسب الانسحاب؟ جاهزين تتعاملوا مع ناس ممكن يجرحوكم بس عشان توصلوا للأجوبة؟
شو هي الحياة غير كومة تجارب …